.jpg)
#
मेरी ही बथ, अपरा गीतों मा वू सुणौली,
संगीत चीज़ ही यन च,य बाज नी औली?
मी जू भी बोल्दू छौं, गंभीरता से बोल्दू छौं,
वेकु ध्यान आज नि च यख,भोल बींग ही जाली।
अभी त लुकीं च वू, ये पर्दा का आड़ मा,
जब हमते जाणली,अफ्फु समणी ऐ ही जाली।
अभी कुछ कसर छें च, वेका पकण मा,
आटु गीलू च,तपी तपी की रोटी बण ही जाली।
वू रेतु दबोणा छां, मुठ्ठी टैट बोटी की,
यू उमर च लाटा, ढल ढल की ढल ही जाली।
जेकि देह ता भींजा सुन्दर, पर आत्मा च काली,
यन सुंदरता भी ता कख सुंदर बोली जाली?
लाटी च य मुंथा, जू तुएते नि बींग सकी 'अक्स',
कुछ देर ठैर ता सई, बींगदी बींगदी बींग ही जाली।
कोई टिप्पणी नहीं:
एक टिप्पणी भेजें